எது சுதந்திரம் ?

                                 எது சுதந்திரம் ?

வருடங்கள் ஓடுகின்றன .கனவுகள் சந்தேகிகின்றன ....இவனுங்க நிஜமாலுமே சுதந்திரமா இருக்கிறார்களா என்று ?  

எது சுதந்திரம் ?

 உன்ன உணவு,உடுக்க உடை ,உறங்க உறைவிடம் இம்முன்றும் ஒவ்வொரு தனி மனிதனுக்கும் என்று கிடைக்கிறதோ, அன்பிற்கு தவிர வேற எதுக்கும் அடிமையாக  இல்லாமல் என்று வாழ்கிறோமோ அன்று தான் உண்மையான சுதந்திரம் .

இவை கிடைக்க ஒவ்வொருவரும் கடினமாக உழைத்து நாமும் முன்னேறி ,நம் சமூகமும் முன்னேற உதவுவோம் .

இனிய சுதந்திர தின வாழ்த்துக்கள் .வாழ்க தமிழ் வளர்க பாரதம் .

ஒரு குடிமகனின் கோபம் ,தவிர யாரையும் புண்படுத்த அல்ல 

சமீப காலமாக தமிழ் நாட்டில் மது ஒழிப்பு என்ற ஒரு விஷியத்தை அனைவரும் கையில் எடுத்து கொண்டுளுள்ளனர் .கட்சிகள் ஆர்ப்பாட்டம்,மாணவர்கள் ஆர்ப்பாட்டம், எல்லா தொலைகாட்சியிலும் இதே செய்திதான் 

தொல்லை தருகின்ற கட்சிகளின் செய்திகளே தொலைகாட்சி ஆகிவிட்டது .

1. இவ்ளோ நாள் எங்க போனார்கள் , இப்போ எங்கிருந்து வருகிறது இந்த அக்கறை இந்த கட்சி காரர்களுக்கு.

2.முன்பு இப்படிதான் ஈழம் பற்றிய பிரெச்சனை கையாண்டார்கள் நம் தலைவர்கள் இப்பொழுது இதை எடுத்து கொண்டார்கள் . தூண்டி விடுவதும் ,பிரெச்சனை செய்வதுமே இன்றைய அரசியல் என்று நல்லா அரசியல் கற்று கொடுக்கிறார்கள் .

3.கடைசிவரை பாதிப்பது என்னவோ நம் மக்கள் சாதாரண மக்கள் தான். நாடாண்ட மன்னர்கள் பிறந்த ஊர் ,தலை சிறந்த  தலைவர்கள்  இருந்த ஊர் .

4.யாருக்கு தான்  கோபம்  இல்லை ,தாலியையும் ,கணவனையும் இழந்த பெண்கள், குடிகார தகப்பனால் அவமானம் படும் குழந்தைகள் , இவர்களுக்கு இல்லாத கோபம் கட்சி காரர்களுக்கு பொத்துக்கிட்டு வந்துவிட்டதோ...

5.நாம் ,நமது இனம் குடித்து,குடித்து சோம்பரிகளாய்  ஆனது தான் மிச்சம் ,நாடும் மலட்டு தன்மையாய் போய் கொண்டிருக்கிறது .

6.சினிமா காரன் குடிக்கிறான் ,அதனால நான் குடிக்கிறான் சொல்றவங்க அவன் கோடி கணக்குல சம்பாதிக்கிறான்  நீ சம்பாரிச்சிட்டு சந்தோசமா குடி அடுத்தவனுக்கு எடைஞ்சல் இல்லாம குடிச்சி சாவு .

7.வெள்ளைக்காரன் குடிக்கிறான் ,அவன் தட்பவெட்ப்ப சூழ்நிலை அப்படி அதுவும் அவன் அளவா குடிக்கிறான் . நீ அப்படி குடிக்கிறியா..

8.இதுல இந்த காலத்து பொண்ணுங்க வேற , பசங்க குடிகளைனா நீ வேஸ்ட் , கண்ட கண்ட படத்த பாத்துட்டு dailogue  வேற...முன்னலாம் குடிக்கிறான் சொன்ன தீண்ட தகாதவர்கள் ,இப்போ குடிக்களான தீண்டத்தகாதவர்கள் லிஸ்ட்ல கூட சேர்க்க மாட்றாங்க .

9. என்னமோ எதை விதைகிறோமோ அதை தான் அறுவடை செய்வோம்.நாம் நம் வாழ் வியல் நெறிமுறை கட்டமைப்பை  (System ) கொஞ்சம் கொஞ்சமாக  இழந்து கொண்டிருக்கோம் .அஞ்சுக்கும் பத்துக்கும் பிச்சை எடுக்கும் நிலைமைக்கு தள்ளப்பட்டுவிட்டோம் . முல்லைக்கு தேர் கொடுத்த பாரி வள்ளல் வழி நடந்து வந்தவன் தான் தமிழன் .அதையும் மறந்தோம்.

10.வேறொரு நாடு தேவையில்லை நம்மை அழிக்க ,நாமளே போதும் ,ஒவ்வொரு செயல் சேயும் போதும் நன்கு பகுத்து அறிந்து முன்னோர் வழி நடந்தால் தன் அடுத்த தலைமுறைக்கு நாம் அட்லீஸ்ட் கொஞ்சம் விட்டு செல்ல முடியும் இல்லை நோய்வாய்பட்டு , நம் பலத்தை இழந்து சின்ன நாடும் நம்மை அடிமை படுத்தும் நிலைமைக்கு போய் விடுவோம் .

ஆதலால் போராட்டம் என்ற பெயரில் பொதுசொத்தை நாசம் ஆக்குவதும் ,

தற்கொலை செய்வதும் , அடுத்தவர்களை தூண்டி விடுவதும் , மேலும் மேலும் ப்ரேச்சனையை வளர்ப்பதும் நல்ல சமூகத்துக்கு அழகல்ல .

திருடனை பார்த்து திருந்தாவிட்டால் திருட்டை ஒழிக்க முடியாது .குடிகாரனா பார்த்து திருந்தா விட்டால் குடியை ஒழிக்க முடியாது .

கடமை அறிந்து குடியை மறந்து ,சிந்தித்து செயல் படுவோம் ..தமிழா விழித்துக்கொள்.

எம் மண்ணின் மைந்தன் .

                        எம் மண்ணின் மைந்தன் .

மனிதனால் முடியாது இதுவென்று சொல்லுவோருக்கு முடியும் என்று முடித்து காட்டிய  முடிசூடா மன்னன் நீ .

சாதாரண மனிதன் என்று சொல்லுவோருக்கு, அப்படி  ஒன்று இவ்வுலகில் ஒன்றுமில்லை என்று நிருபித்து காட்டிய நிஜம் நீ 

கனவுகளின் நாயகன் ,கனவு காண கற்று கொடுத்த கலைஞன் நீ 
ஏன் கன வுகளுக்கே கனவு  கான கற்று கொடுத்த ஆசான் நீ 

குழந்தைகளின் கனவு நாயகனும்  நீ ..பாரதம் ஈன்றெடுத்த குழந்தையும் நீ 
இளைஞர் களின் எழுச்சி நீ .

அணுஆயுத ஆராய்ச்சியில் அன்னியன் கண்ணுக்குள் அணுகுண்டு வீசினாய் .
இருப்பினும் அந்நியனுக்கும் அன்பானவன் நீ ...இதை அவர்களும் அறிவார் ..



உன் பேச்சிலே ஒரு தெளிவு ,அதை கேட்க அகிலமும் தவம் கிடக்கும் 
ஏன் அந்த ஐய்நாவும் அடம்பிடிக்கும் 

உன் கருத்திலே பொதுவுடைமை, வார்த்தைகளில் ஒரு எழுச்சி 
கேட்போரை கேக்க வைக்கும் ,புரியாதோரை புரிய வைக்கும் ...

உன் செயலிலில் ஒரு துடிப்பு ,உன் பார்வையில் ஒரு விசாலம்.உன் மனதிலே ஒரு தூய்மை ,

உன் பொறுமை,கண்டு வியக்காத ஆளில்லை .
பொறுமை என்ற சொல்லுக்கு புகழ் சேர்த்த பெருமை உன்னை சாரும். 

உன் எளிமை கண்டு அந்த இறைவனும் வேண்டி  கொள்வான் இவனைபோல நானும் எளிமையாய் இருக்க வேண்டும் என்று ...


 நீ ஒய்வு எடுக்க வில்லை என்றாலும் உழைப்பு ஓய்வெடுக்க வேண்டும் அல்லவா ,

நான் நெனைக்கிறேன் உன்னால் உழைப்பு மோச்சம் கொண்டிருக்கும் .
உன்னோடு ஒன்றாய் உயிர் மூச்சாய் இருந்ததில் பெருமை கொள்ளும் .

வாழ்த்த வார்த்தையில்லை ,வார்த்தைகளும்  வருந்துகின்றன ...
இம்மனிதன் சாதனையை கண்டு ...தமிழ் தாய் பெருமை கொள்வாள் ...

காலத்துக்கும் கலாமுக்கும் ஒரு ஒற்றுமை உண்டு ...ரெண்டுமே நிரந்திரமானது ...

உங்கள் கனவை நிஜம் ஆக்க நங்கள் இருக்கிறோம் ..நீங்கள் விதைத்த விதை 
நாளை விருச்சம் ஆகும் ...

சரித்திரம் படைத்த சரித்திர நாயகன் நீ ...

வாழ்க உம் புகழ்..நாங்களும் வாழுவோம் உன் ஆசியில் ...


இப்படிக்கு 
கண்ணீர் மல்க கண்ணீர் அஞ்சலி செலுத்தும் ,கடைகோடி குடிமகன் 

அசிங்கப்பட்டான் அன்பரசன்

              அசிங்கப்பட்டான் அன்பரசன் 

நாம் பல நேரங்களில் நிறைய நல்ல  விஷியங்கள் நிறைய பேரிடம் இருந்து கற்றுகொள்வது  உண்டு . அதுவும் குறிப்பாக சின்ன பசங்களிடம் இருந்து நிறைய கற்று கொள்ளலாம் . சின்ன பசங்களிடம்  பேசும் போது  ரொம்ப  கவனமாக இருக்க வேண்டும்  அதுவும் இப்போ உள்ள  பசங்க ரொம்ப ஷார்ப் , கழுவி  மூஞ்சி மேல துப்பிட்டு போய்டுவாங்க,அவ்வாறு நடந்த ஒரு சம்பவத்தை பற்றி உங்களோடு பகிர்ந்து  கொள்ள ஆசை படுகிறேன்

நான் சென்ற வாரம் ஊருக்கு சென்றிருந்தேன்.என்  அக்கா பையன் முகிலன் விடுமுறைக்காக மாமா வந்துருக்காங்க  நான் பார்க்கணும் னு சொல்லிட்டு எங்க வீட்டிற்க்கு வந்தான். அவன் வரவுவதர்க்கு காரணம் பாசம் இல்ல nickledon சேனல் டிவி பார்க்க மற்றும் அம்மா தொல்ல அப்பா தொல்ல இல்லாமலிருக்க.

ஐந்தாம் வகுப்பு முடித்து விட்டு விடுமுறை ...

சும்மா இருக்குமா சுழி ...

பயபுள்ள காலைலேர்ந்து சைக்கிள் எடுத்து சுத்திகிட்டே இருந்தேன் .

எங்க அண்ணன் பையன் கூடிகிட்டு விளையாடிகொண்டிருந்தான் .

என் அப்பா சைக்கிள் வேணும் இவன் எங்க எடுத்துட்டு போனான் என்றார்  .

எங்க அம்மா அவன் எங்க நம்ம பேச்சை கேக்குறான் ...எங்கயோ போயிருக்கான் னு சொன்னாங்க . சற்று நேரம் கழித்து அண்ணன் வீட்டு ஒரு பெரிய மரக்கட்டைய எடுத்துட்டு ( ரீப்பர் ) வந்தான் . 

மாமா மாமா எனக்கு கிரிக்கெட் பேட் செஞ்சி குடு...

நான் அதெல்லாம் முடியாது உன்ன எவன் அண்ணன் வீட்டு மரக்கட்டைய 

எடுத்துட்டு வரசொன்னது , போய் மொதெல்ல அத குடுத்துட்டு சைக்கிள்ல நிறுத்து தாத்தா வெளியில போகுனும்னு சொன்னேன்.

எங்க அம்மா ரெண்டு கத்து கத்திவிட்டு போய்ட்டாங்க .

எங்க அப்பா வந்து "டேய்  இருக்குறது ஒரு சைக்கிள் அதயும் வேல வச்சிடாத " னு  அட்வைஸ் ...அதுக்குலாம் தலைவரு கண்டுக்கல போய்...அந்த கட்டய குடுத்துட்டு வந்து சைக்கிள குடுத்துட்டான்.

பிறகு ஆளு abscond ஆணவந்தான் சுமார் 12 மணிக்கு வீட்டிற்க்கு இன்னொரு மரக்கட்டையை எடுத்துக்கொண்டு வந்தான் .

நான் கடுப்புடன் அவனை பார்த்தேன் "மாமா இது நம்ம மரகட்டைதான் " என்று சொல்லி என்னை பேசவிடாமல் பிரேக் போட்டான் .....

நல்ல கொளுத்தும் வெயிலில்பையன் வேர்க்க விருவிருக்க மரக்கட்டையை எப்படியாவது கிரிகெட் பேட் செய்ய வேண்டும் என்ற குறிகோளோடு வெட்டிகொண்டிருந்தான் .

எங்க அம்மா வந்து செம்ம திட்டு நடு வெயில் என்னடா பண்ற.... சொல்ற பேச்சியே கேக்க மாற்ற ,,....கைய க்கிய வெட்டிக்காத டா..........................சாப்டாம
வெட்டிகிட்டு இருக்க வந்து சாப்டு .........

நான் துணி துவைத்து கொண்டிருந்தேன் , அம்மா போன் எடு மா அவுங்க அப்பாவுக்கு போன் போடுவோம் ....இவன்  திருந்தவே மாட்றான் என்றேன்

நாங்க ரெண்டு பேர் கத்ரத கண்டுகொள்ளாமல் "இவங்க இன்னும் எத்தனை வருஷம் தான் இந்த பழைய டயலாக் பயன்படுத்துவாங்கலோ ...இவங்க திருந்தவே மாட்டங்க போல" என்று எண்ணிக்கொண்டு தொடர்ந்து அவன்  மரக்கட்டையை வெட்டியது எங்களுக்கு பளிச்சின்னு புரிந்தது .

சரி இவன் நம்ம சொல்றத கேட்க மாட்டான்  நம்ம தான் பைத்தியம் அகிடுவோம்னு என்று என் அம்மா சமைக்க சென்று விட்டார்கள் .

இவன் நம்மல மதிக்க மாட்டான் எதுக்கு அசிங்க படனும்னு நான் என் வேலைய தொடர்ந்தேன்.

அவன் வெட்டும்போது அந்த கட்டை நல்ல இடத்தில் வைத்து வெட்டாமல் அங்கும் இங்கும் எடுத்துக்கொண்டு வெட்டிகொண்டிருந்தான் .

இதை பார்த்த பக்கத்துக்கு வீட்டு காரங்க அட்வைஸ் பண்ணினாங்க அதையும்,
அவன் கேட்கலை...போராடி வெட்டி கொண்டிருந்தான் .அதை ரெண்டு துண்டாக்க போராடிக்கொண்டு காலால் உதைத்தான் ..

அவன் போராடுவதை கண்டு

டேய் முகில் நான் துணி துவைத்து விட்டு உனக்கு பேட் செய்து தருகிறேன் என்றேன் .

தொடர்ந்து வெட்டினான் ...அதுவும் அவன் வெட்டும் போது கத்தி துள்ளியது ...எனக்கு கோவம் தலைக்கேறியது...

டேய் உனக்கு அறிவு இருக்கா ...இப்டி சொல்ல சொல்ல கேக்காமல்
வெட்டிகொண்டிருக்க்க ....என்றேன்

அதையும் கண்டுகொள்ளாமல்.....

மாமா அறிவு இருக்குரதனாலதான் நான் வெட்டுறன் என்று சொல்லி பொசுக்குனு அசிங்க படித்திடான் ...

நான் அப்பிடியே ஷாக் ஆயிட்டேன் ...சுத்தும் முற்றும் பார்த்தேன் யாராவது பார்துட்டாங்கலானு ....நல்ல வேலை யாரும் இல்ல ....அப்படா  என்று பெருமூச்சி விட்டேன் ....

அவன் தொடர்ந்து அதை வெட்டினான் ....அதை ரெண்டு துண்டாக்கிவிட்டு தொடர்ந்து கைப்பிடி செய்து கொண்டிருந்தான் .

நான் துணியை துவைத்து விட்டு குரங்கு புடுங்கி போட்ட இளனி மூணு  இருந்தது ...நல்ல வெயில் வெட்டி குடிக்காலம் அவனுக்கும் வெட்டி குடுக்கலாம்னு அவனிடம் ...

இவன் வேற கடுப்புல இருக்கான் கத்தியை  கேட்டா மறுபடியும் அசிங்க படித்துடுவானோ என்று எண்ணிக்கொண்டு அக்கம் பக்கம் யாரும் இருக்கங்களான்னு பார்த்துட்டு

முகில் முகில் என்று அன்பாய்  பொறுமையாய் மெல்லிய குரலில் இங்க வாயேன் என்றேன் .

என்ன மாமா ...என்று கடுப்பான tonela கேட்டான் ..

டேய் இந்த கத்தி செத்த குடுறா நம்ம இளனி வெட்டி குடிக்கலாம் ..

எனக்கு வேணாம் மாமா ....கோவத்துடன் சொன்னான் ....

டேய் எனக்கு வேணும் டா ...கொஞ்சம் குடுடா ...ஐயோ கெஞ்ச வைக்குரானே ....
என்று எண்ணிகொண்டு அவனிடம் கேட்டேன் ...

ஒருவழியா கத்தியை வாங்கி முதல் இளனியை வெட்டினேன் ...டேய் போய் சொம்பு எடுத்துட்டு வான் உனக்கு குடிக்க என்றேன் ...

எனக்கு வேணாம் மாமா ...என்றான் ...

வேணாம்னா போ...என்று கத்தி இருக்கும் துணிச்சல்ல நான் அந்த இளனியை அண்ணாந்து அப்படியே குடித்தேன் ...குடித்து முடித்து விட்டு பார்த்தால் எனக்கு முன்னால ஒரு பரிதாபமான மூஞ்சியோட பக்கத்துக்கு வீட்டிற்க்கு  வேலை செய்ய வந்த ஆள் நின்று கொன்றிருந்தார் .
என்னங்க வேணும்னு கேட்டேன் ...மீன் வாங்கியாந்திருக்க்காங்க ....கொஞ்சம் உங்க கத்திய குடுங்க அருக்கனும் என்றார் ....

நான் அருகாமையில் இருக்கும் முகிலனை  பார்த்தேன் ...ஒரு நிமிடம் வந்த ஆளை பார்த்தேன்.....சிரிச்சேன் ....

என்னங்க இப்படி பார்கிறீங்க என்றார் ...

நான் அதற்க்கு நானே  கிரிக்கெட்  பேட்  செஞ்சிகிட்டு  இருந்த முகிலன் கிட்ட கடன் வாங்கி இளனி வெட்டிகிட்டு இருக்கன், நீ என்கிட்ட கத்தியை கேக்குற அத நெனைச்சன் ....சிருச்சன் னு சொன்னேன்.

முகிலனை  பார்த்து டேய் அவங்க மீன் அறுக்க கேக்குறாங்க டா ஒரு அரை மணி நேரத்துல குடுத்துடுவாங்க டான்னு கேட்டேன் ....

பையன் உம்ம்னு மூஞ்சியை வைத்க்கொண்டு உர்ர்ர்ர்ர்ர்ர்னு என்னை பார்த்தான்...

எங்க நம்மள வந்துருகிறவர் முன்னால அசிங்க படிதிடுவானோ என்னவோ னு 
அவரிடம் நீங்க எடுத்து டு போங்க சீக்ரமா கொண்டு வந்து கொடுங்க என்றேன் 

மேலும் முகிலன் பேட் செய்யணும் மறக்காமல் கொண்டு வந்து குடுங்க என்றேன் ...

அவரு வேல முடிஞ்ச உடனே கொண்டு வருகிறேன்னு கத்தியை பெற்றுக்கொண்டு சென்று விட்டார் .

முகிலனக்கு ஆத்திரம் மாமா கத்தியை கொடுத்துவிட்டார்  என்று ..

என்னை பார்த்தான் ... என்னவாம் ,,யான் அவங்க அருவாமனை ல அறுத்தா மீனு அறுக்க முடியாதா கத்தி தான் வேணுமா .....என்றான் ...

விடு முகில் அந்த கத்தி வெண்ணைகூட வெட்டாது ...நீ வேண்ணா பார்  அவரு அந்த கத்தியை திரும்ப கொண்டு வந்து கொடுதிடுவார்னு சொன்னேன் ...

வெண்ணை கூட வெட்டாது னு சொன்னதும் சிரிப்பு அவனுக்கு வந்தது ...control பண்ண முடியாம சிரிச்சான் ...அவன் கோவம் தணிந்தது ...

அப்படா இவன சமாளிக்க எப்படியலாம் பேச வேண்டியுருக்கு என்று நினைதேன் .

பிறகு அவன் கார்ட்டூன் நெட்வொர்க் சேனல் பார்க்க போய்ட்டான் ....

நான் அதை மறந்து விட்டேன் ஆனால் அவன் கத்தி கடன் வாங்கி எப்படியோ பேட் செய்து விட்டான் ...

அவன் விடா முயற்சியை கண்டு வியந்தேன் ...எத்தனை பேர் தடுத்தார்கள் ...எவ்வளவு போராட்டம் அந்த பேட் செய்வதற்குள் ....அனால் அவன் அதை செய்து முடித்து விட்டு மாமா ...இங்க பாரு என்னோட புது பேட் ...என்று அளவில்லா சந்தோஷத்துடன் சொன்னான்.

அப்பொழுது தான் அந்த கத்தி வாங்கிய நபர் திரும்ப கொண்டு வந்து குடுத்தார் 
நான் எழவுக்கு வா யா  னா கருமாதிக்கு வரியே என்று எண்ணிக்கொண்டு 
எங்க ஆள் பேட் செஞ்சி உலக கோப்பையே வாங்கிட்டான் னு பெருமையா 
சொன்னேன் ..

Moral of the Story :

1.நாம் சாதிப்பதில் சின்ன பசங்கள போல பிடிவாதமாய் இருக்க வேண்டும்.
2.தேவை இல்லாமல் சின்ன பசங்களிடம் வாயை குடுத்து கண்டத  புண்ணாக்கி கொள்ள கூடாது .

கனவு இல்லம்

                                                   

                                               கனவு இல்லம்

அடுத்து என்ன நடக்கும் என்ற சுவாரசியம் படங்களில் மட்டுமே பார்த்திருப்போம் . சில சமயங்களில் நம் வாழ்கையில் கூட நடக்கும். என்ன  தான் நாம் பல நாட்கள் plan பண்ணி சில விஷயங்கள் செய்யனும்னு நெனைச்சாலும் அது நடக்கும் நேரத்தில் தான் நடக்கும் அதுவும் எதிர்பாராமல் நடக்கும் என்பது உண்மை. அப்படி ஒரு விஷயத்தை பற்றி உங்களோடு பகிர்ந்து கொள்ள ஆசைபடுகிறேன் .

எனக்கு சிறுவயதிலிருந்தே இரண்டு கனவுகள் இருந்தது.
ஒன்று ஒரு அழகான, திட்டமான வீடு என் சொந்த ஊரில் கட்ட வேண்டும் .அதுவும் என் பாட்டி  "தனக்கோடி" என்ற பெயரில் இருக்க வேண்டும்.
இரண்டு  எதாவது நம்மால் முயன்ற மாற்றம் அழிந்துகொண்டு இருக்கும் விவசாயத்திற்கு கொண்டு வர வேண்டும் என்பது தான் .

என்னுடைய முதல் கனவு எனக்கு மட்டும் அல்ல என் குடும்பத்தில் உள்ள அனைவரின்  கனவு ஆகும்.

முதலில் என் குடும்பத்தாருக்கும்,உறவினர்க்கும், என்னக்கு பாடம் சொல்லி தந்த அணைத்து ஆசிரியர்களுக்கும் குறிப்பாக (Sister AmaliShantha) அவர்களுக்கும்,எனக்கு எப்பவும் எந்த எதிர்பார்ப்பும் இன்றி உதவும் எல்லா நண்பர்களுக்கும்,வேலை செய்கின்ற அலுவலகத்தில் உன் முன்னற்றதிர்க்கு உறுதுணையாக இருந்த அணைத்து சகோதர சகோதரிகளுக்கும், மேலும் கஷ்ட காலத்துல எனக்கும் எங்க அப்பாவுக்கும் கடன் கொடுத்த,கொடுக்கின்ற எல்லா நல்ல உள்ளங்களுக்கும் , லோன் கொடுத்த எல்லா பேங்க் களுக்கும் எனது மனமார்ந்த நன்றி!!! நன்றி!!!நன்றி!!!
(பாஸ் நம்ம என்ன விஜய் சேதுபதியா ,விஜய் டிவி லாம் கூபிடமாட்டாங்க அதான் இதுலியே சொல்லிடறேன்)

சும்மாவா சொன்னாங்க பெரியவங்க வீட்டை கட்டிப்பார் கல்யாணத்தை பண்ணிபார்னு..யப்பா ...

ஒரு நல்ல பெற்றோர்  தன் குழந்தையை  பார்த்து பார்த்து வளர்ப்பார்கள். அது போல தாங்க வீடு கட்டுவதும். என்னதான் மாடர்ன் வோர்ல்ட்ல கட்டின பிளாட் வாங்கினாலும் நாம பார்த்து பார்த்து கட்டும் வீடிற்கு ஈடிலிங்க.

எல்லாரும் சொன்னங்க ஏன் இங்க கட்றீங்க ,டவுன் ல கட்டலாம்ல , பிளாட் வாங்கலாம்லனு ..ஆனா சொர்கமே என்றாலும் அது நம்ம ஊரு போல வருமா..சொந்த ஊர்ல வீடு இருப்பது போல வருமா.

எவ்வளவோ புதுமனை புகுவிழா சென்றிறுப்போம் ஆனால்  கவனித்து இருக்க மாட்டோம் . நம்ம வீடு கட்டும் போது உலகுத்துல எங்க வீடு கட்டினாலும் அது என்ன டிசைன், இது என்ன மாடல் னு பாவம் அந்த வீட்டுக்காரங்க செத்தாங்க . பத்தாதக்கு கூகுள் வேற  கதரிடிச்சி போங்க...என்னமோ பங்களா கட்டுவது போல இருக்குற எல்லா வெப்சைட்டும் அலசி நானே ஒரு பிளான் ரெடி பண்ணினேன்அது படும் கேவலமா இருந்தது.அத்தோடு நான் பிளான் போடறதை கைவிட்டேன் .

மூன்று வருடங்களுக்கு முன்னால் ஜோசியக்காரர் ஒருவர் நல்ல நாலுன்னு சொல்ல ,மனை பூஜை பண்ணினோம்.கொய்யால மன பூஜை போட்டதளிருந்து ஒரு வருடத்துக்கு ஒன்னும் நடக்கல . ஏன்டா பூஜை பண்ணினோம் தோனுச்சு. சரி நமக்கும் வீடுக்கும் ராசியே இல்ல போல னு  நொந்து போய் எங்க அம்மா நாம பேசாம ஒட்டு வீடு கட்டிடலாம்னு சொன்னங்க.ஆனா எனக்கும் ,எங்க அப்பாவுக்கும் கட்டுனா மெத்தை வீடுதான் இல்லனா இல்ல(பெட்ரமாஸ் லைட்டே தான் வேணும்)  என்ற முடிவோடு இருந்தோம் .


சரியாக ஒருவருடம் கழித்து எங்க அம்மா கால் பண்ணி , அரசாங்கம் வீடு கட்ட மானியம் தராங்கலாம் , போட்டோ புடிசிகிட்டு போயிருக்காங்க , உடனே வா கடகால் போடணும் அப்ப  தான் மானியம் கிடைக்கும்,  நாம கொத்தனார் , engineer  எல்லாம் பார்க்கணும் சொன்னாங்க . அடிச்சிக்கோ புடிசிக்கோனு கெளம்பி ஒரு என்ஜினியர் கிட்ட போய் வீடு பத்தின knowledge ஒன்னும் இல்ல, நான் 2 BHK ரொம்ப சிம்பிளா திட்டமா ஒரு வீடு பிளான் வேணும் சொன்னேன். அவரு ஒரு பிளான் போட்டு தந்தார். கொத்தனார் பார்த்துகொடுத்து விட்டு நான் சென்று விட்டேன்.கடகால் போட குழி போடும் போது கொத்தனார் முன்னால விளக்கு வைக்க ரூம் இல்ல என்று சொல்ல இன்னும் கொஞ்சம் பிளான்  extend  ஆனது. குழி தோண்டியாச்சு.

இதை அறிந்த என் மாமா பிளான் நல்லா இல்ல என்னோட Friend engineer இருக்கார் னு சொல்ல அவரு வாஸ்து சாஸ்து படி ஒரு பிளான் போட, வீடு அளவு இன்னும் கொஞ்சம் பெருசாச்சு. பட்ஜெட் அதிகரித்தது . இதுல கொடும என்னன்னா நான் முதல் முதலில் பார்த்த engineer தான் அவர்.அப்புறம் பிளான் புடிச்சி போய் அதே மாடல் ல நோண்டிய குழியில் கடகால் போட்டோம்.எவ்வளவு குழப்பங்கள் கல் வாங்குவதில்,கம்பி வாங்குவதில் ,மற்ற எல்லா பொருட்களும்.

ஹோம் லோன் கிடைக்காம பர்சனல் லோன் போட்டு ,அங்க இங்க உருட்டி பெரட்டி வீடு கட்ட ஆரம்பித்தோம் . எப்போவுமே வீடு மட்டும்  நாம ஒரு பட்ஜெட் போடுவோம் ஆனா அது ஒரு பட்ஜெட்ல முடியும். எனக்கு 2014 தை மாசம் குடி போக வேண்டும் என்பது குறிக்கோள் .என்னால் இயன்ற முயற்சியை செய்தேன்.வீடும் கொஞ்சம் கொஞ்சமாக வளர்ந்தது .செப்டம்பர் மாதம் விநாயகர் சதூர்த்தி அன்று வீட்டின் தளம் போட முடிவு செய்து எல்லோரும் கூடினோம் .ஏன்  என்றால் தளம் போடும் நாள் ஒரு கோயில் கும்பாபிஷேகம் பண்ணுவது போல என்று பெரியவர்கள் சொல்வார்கள் .அன்று நல்ல நாள் என்பதால் நெறைய பேர் தளம் போட்டார்கள் .அதனால் அந்த தளம் போடும் எந்திரம் ரெண்டு வீடு ஒப்பு கொண்டனர். அந்த contract மேஸ்திரி அமர்த்தினார் . காலையில் ஊர்ல வேற வீடு , மதியம் எங்கள் வீடு. அன்று பார்த்து வானம் மழை பொழியும் தருவாயில் இருந்தது. எங்களுக்கு ஒரே படபடப்பு இவ்ளோ செலவு பண்ணி இன்னைக்கு போய் மழை வந்தால் எல்லாம் வீணாகிவிடுமே என்று .ஒரு பக்கம் wiring வேல நானும் என் மாமாவும் பார்த்துகொண்டிருந்தோம் ,மறு பக்கும் தளம் போட machine ரெடியாகி கொண்டிருந்தது .ஆட்கள்  வர தாமதம் ஆனது .வானமோ இருட்டி கொண்டிருந்தது . நானும்  என் தந்தையும் பிளான் cancel பண்ணலாம் னு நெனைச்சோம் .கோவத்தில் மேஸ்திரியை திட்டினோம். அவரு எல்லா திட்டையும் வாங்கி விட்டு உங்கள் வீடு எந்த குறையும் இல்லாமல் ஒட்டிக்கொள்ளும் என்று ரொம்ப கூலாக சொன்னார் . எங்க அக்கா,அம்மா , மற்றும் சிலர் சொன்ன தேதியில் நடக்கணும் என்பதால் பிளான் cancel பண்ணகூடாது என்று தெளிவாக இருந்தார்கள். வேலை வேகம் வேகமாக நடந்தது. மழை வந்தால் என்ன பண்ணுவது என்று நெறைய தார் பாய் ஊரில் உள்ளவர்களிளிடம் வாங்கி வைத்தோம் .கடவுளை வேண்டி கொண்டோம் மழை வர வேண்டாம் என்று ஆனால்
...................................................................................................................................................................
...................................................................................................................................................................
மழை வந்தது.சும்மா விடுவோமா மேஸ்திரிய செம்ம காட்டு காட்டினோம் .அப்பவும் அவரு அசால்டா வீடு நல்லபடியா ஒட்டிக்கொள்ளும் என்றார் . எங்க அம்மா அந்த மழை பொழிகிற கேப்ள ஆளுங்களுக்கு

"மழை விடாது போல போட்ட டீய வீணாக்க வேணாம் எல்லாம் டீய குடிங்க"

என்று ஆளுங்களுக்கு கொடுத்தாங்க.இங்க தான் எங்க அம்மா வோட டைம் மற்றும் resource management skill பார்த்து  வியந்தேன் .சரியாய் ஒரு பதினைந்து நிமிடம் கழித்து மழை நின்றது .யார் செய்த புண்ணியமோ அன்று எங்கள் வீட்டை மிகபெரிய இழப்புலிருந்து காப்பற்றியது.இரவு ஏழு மணி வரை தளம் போட்டார்கள் அன்றுதான் நிம்மதியான தூக்கம் வந்தந்து ஏன் என்றால் தளம் போட்டுவிட்டால் பாதி வீடு முடிந்ததுபோல.

பிறகு மெதுவாக ஒவ்வொரு வேலையும் நடந்தது .நாங்க வீட்ட சும்மா போட நினைத்தாலும் அதுவா வேல நடக்க ஆரம்பிக்கும் .எங்கள் குடும்ப தெய்வம், எங்கள் பாட்டி( அப்பாவோட அம்மா)  தினமும் வேலை நடப்பதை பார்த்து சந்தோஷ பட்டார்கள் . ரொம்ப பெருமை பட்டார்கள்  அதற்க்கான காரணம் ஒன்று ரொம்ப நாள் கழித்து,அதுவும் என் பேரன் தலையடுத்து வீடு கட்டுகிறான் என்ற பெருமை .இன்னொன்று அவங்க பழைய வீடு இருந்த மனை அது .சில நேரங்களில் புது வீடு வாசலில் சென்று  அமர்வது, படுத்து வந்தாங்க .எனக்கு ரொம்ப சந்தூஷமா இருந்தது .நான் தீவாளிக்கு சென்ற போது அவர்களை போட்டோ எடுத்து வைத்திருந்தேன் . நவம்பர் மாதம் வரை வேலை நடந்தது . முன் டிசைன் ,மற்றும் உள்ள கப்போர்ட் வேலை நடந்து கொண்டிருந்தது .

அப்பொழுதுதான் அந்த சோகம் நடந்தது. என் பாட்டி எழுந்து தான் அருகாமையில் இருந்த ஊன்றுகோலை எடுக்கும் போது நிதானம் தவறி கீழ விழுந்தார்கள. இடுப்புக்கு கீழ் எலும்பு உடைந்தது . சித்த வைத்தியர் மற்றும் மற்ற மருத்துவர் இடம் சென்று சரி செய்ய பார்த்தோம் ஆனால் வயதானவர்களுக்கு கட்டு போடா முடியாது என்று விட்டார்கள். படுத்த படுக்கையில் இருந்தபடியே நாளுக்கு நாள் உடல் மெலிந்து குழைந்தை போல் குறுகி போனார்கள். அவர் படுக்கையில் இருக்கும் போதும் வேலை நடக்குதா என்று கேட்பாங்க.

கனவு  களைந்தது :

ஜனவரி 07, 2014 அவருடைய உயிர் பிரிந்தது.அவர் உயிர் பிரியும் முதல் நாள்  வரை என் வீட்டு வேலை நடைபெற்றது. அன்று என் கணுவும் கலைந்தது. அவங்க பேர்ல வீடு கட்டி எல்லா உறவினர்களையும்,நண்பர்களையும்  அழைத்து ,
என் பாட்டியை ரிப்பன் வெட்டி புது வீட்டை திறந்து வைத்து,அந்த சமயம் பலூன் வெடிக்க அவங்க கையாள வீட்டு சாவியை எங்க அம்மாவிடம் கொடுக்க வேண்டும் ,குடும்பமே சேர்ந்து போட்டோ எடுக்க வேண்டும் என்று பல கனவுகள் இருந்தது அத்தனையும் அன்றோடு கலைந்தது. ஆனால் வீட்டு சாவியை என் பாட்டி என் அம்மாவிடம் உயிரோடு உள்ளபோதே கொடுத்துவிட்டார், அவர் இறந்த பிறகு, வீடு கட்டும் ஒரு சந்தோசம் ,ஆர்வம் எல்லாம் குறைந்தது.

அப்புறம் அக்கா பசங்க காதுகுத்து ,மாமா வீடு குடி போனது, அது, இதுன்னு  அடுத்து அடுத்து நல்ல ரன் ரேட் ல செலவு வந்தது .வீடு அப்பிடியே ஒரு வேலையும் நடக்காம இருந்தது. டிசம்பர் மாதம் மறுபடியும் வீட்டின் வேலை ஆரம்பித்தது .பாட்டி தெவஷம் முடிந்தது . இன்னும் சில வேலைகள் pending இருக்கவே நான் மார்ச் மாதம் எப்படியும் குடி போய்விடலாம் என்று இருந்தேன்.

ஜனவரி 24 ம் தேதி அம்மா கால் பண்ணி அடுத்த வாரம் பிப்ரவரி 1 ஆம் தேதி குடி போக வேண்டும் . நல்ல நாள் இல்ல அடுத்த வருடம் மாமங்க வருடம்,இன்னும் 7 மாதத்துக்கு ஒன்னும் தேதி இல்லை, என்று சொல்ல, என்னமா திடிர்னு சொல்றீங்களேனு கொஞ்சம் நேரம் கொடுங்க நான் எப்புடியாவது கீழ தரை போட்டுவிட்டு போகலாம்னு சொல்லி சமாளித்திவிட்டேன் .அப்பாவும்  சொல்ல அம்மா அரை மனதோடு ஒப்புகொண்டாங்க.

ஆனால் ஜனவரி 31 ஆம் தேதி 9 மணிக்கு கால் பண்ணி 1 ஆம் தேதி அதிகாலை 12: 30 to 1:30 வீடு குடி போகிறோம் உடனே கிளம்பி வா என்று சொல்ல . என்ன மா னு கேட்டா , பாட்டி தெவஷம் முடிஞ்சிரிச்சி ,வீட்ட சும்மா போடா கூடாது ,
நான் உன்கிட்டே suggestion கேட்க கால் பன்னல, வீடு குடி போகிறோம் சேதி தான் சொல்றன்ணு  சொன்னங்க .நான் அலண்டு போய் எங்க scene போட்டா நம்ல இல்லாமலே இவங்க குடிப்புகுந்துருவாங்கலோனு மேனேஜர் கிட்ட லீவ் சொல்லிட்டு கெளம்பி போன்னேன் .

வெறும் அய்யர் வைத்து ,ஊர்ல மற்றும் பொறந்த பொண்ணுவோ க்கு மட்டும் சொல்லி ,ரொம்ப சிம்ப்ளா  வீடு குடிபுகுந்தோம்.
வீடு ஆரம்பித்தது முதல் குடி புகுந்தது வரை எல்லாமே த்ரில்லிங் ஆக அமைந்தது. அன்று என்னக்கு என்னவோ தெரியல ஒரு மன நிறைவு. இந்த ஒரு கனவுக்காக நான்  நெறைய நாள் , தூங்காம ,சரியாய் சாப்டாம(initial days in my career ), சில சமயங்களில் friends உடன் டைம் ஸ்பென்ட் பண்ண முடியாம,சில நேரங்களில் கோவப்பட்டு சிலரிடம் பேசாம போனதுண்டு. அதுக்கான பலன் கிடைத்தது போல ஒரு உணர்வு. நம்மளும் அந்த ஊர்ல பொறந்தோம் ன்றதுக்கு ஒரு சின்ன  அடையாளம்  உருவாக்கியது போல ஒரு உணர்வு. என் பாட்டி எங்களோடு இல்லை என்றாலும் அவர்கள் ஆசியூம் ,சொல்லிக்குடுத்த நற்பண்புகள் எங்களோடு இருக்கும்.

சிலர் சொல்லுவாங்க வீடு அமைவதும் பொண்ணு அமைவதும் ஒரு குடுப்பன வேணும்னு  வீடு  உண்மை தாங்க ஆனா பொண்ணு  தெரியலங்க .  எல்லா கட்டங்களிலும் நாங்க ஒன்னு நெனைச்சி செய்வோம் ஆனா அதுவா ஒரு மாதிரி நடக்கும் .ஆனா நல்லதாகவே நடக்கும்.எல்லாமே surprise தான் . இது போல என் கல்யாணமும் கல்யாணத்துக்கு முதல் நாள் எங்க அம்மா போன் பண்ணி கூபிட்டாங்கன்னா சூப்பரா இருக்கும்( செலவு மிச்சம்  ஆகும் :))
இந்த ஒரு என் வாழ்க்கையின் முக்கியமான நிகழ்வை  உங்களோடு பகிர்ந்து கொண்டதில் எனக்கு மிகவும்சந்தோசம் .என் முதல் கனவு வீடு நிறைவேறியது. அடுத்த கனவை (விவசாயம்) நோக்கி ...

உங்கள் பொன்னான நேரத்தை ஒதுக்கி படித்தமைக்கு நன்றி .